碎碎

²  下次寧願係屋企自閉，都唔去drinking party。

²  意志可以撐到未醉，不過已經嘔到七彩。

²  大個喇，其實又有乜好玩。

²  如果說work hard, play hard，兩樣我都去得太盡。

²  以慢慢生活，抗衡心中的焦躁，好不好？

²  肯下決心，狠下決心，今年要浸禮。

²  相信，還是要堅持一直相信。

²  幸福總有天會站在我這邊。

good night ;)

好想好想

好想好想試晒所有好飲嘅啤酒；好想再學返Ukelele；好想好想喺K房大叫一輪；好想試勻全世界嘅美食，更加想學整好多好多好好味嘅嘢食；好想寫一句slogan會畀人記得，好想好想再上頒獎台，好想好想一直都做廣告；又想在廣告以外找到另一種好想好想；想考yoga導師牌，想學到一日自己去教；好想好想找一個合適的人好好去愛，好想你快樂，想有天面對面勇敢面對；想好好記錄每天的生活，好想學習用相片說話； 好想可以再變靚啲，用天然的方法，呵；想可以賺多啲錢，用我嘅能力，嘻；好想好想好想再出一本書；好想為一切未知的將要來臨的而期待；好想一日到黑都傻笑； 好想養小動物，畀晒我所有關心愛心悉心照顧佢；好想好想多謝畀我生命的那一位，我咁貪心，應該會好長命，仲要積極咁想，更多好想好想…..

床頭歌

我就知道，有時候，有一些小小的時候，

還是會感到軟弱，還是會有點難過，

特別是在夜裡。

不過，沒關係，我會送你一大堆床頭歌，

哄著你安然睡去。

晚安。

學笑

好似好基本，不過又最容易忘記。

一個燦爛嘅笑容，可以令你一整天都充滿力量！

若果遇著不懂笑的teammate，嗰份壓力都咪話唔大。

不過，原來我都曾經畀人覺得唔識笑，覺得好難接近。

我份人話已經不多，加上過於崩緊的臉容，又真係幾嚇人嘅。

雖然笑會令塊臉望上去闊啲，不過笑得夠真，
我相信會更加impressed嘅。

好啦！以後朝朝早都對住塊鏡，笑多幾個先去返工喇！

關於飲酒，我說的其實是……

我不是一個過分自制的人，但是對於飲酒，卻是出奇地自制，尤其在跟一班人Happy Hour的時候。看過了喝醉的羞態，所以一直在提醒自己，飲醉酒嘅女人，一啲都唔靚。

我見過醉得最酗的女人，她一邊飲，大家一邊count down她的清醒指數，一地花生，也是一種娛樂。然後慢慢地，由初時的不停跳舞，到伸手入同行男性朋友件衫，到雙腿夾在對方頸項上，到最後大力大力伸腳踢其他女同事…….飲醉酒嘅女人，一啲都唔靚。

然後，她自己喃喃自語，說跟男朋友關係不好云云。說到底也是感情問題，我不是專家，也沒醫好自己，只是看著看著，有點心酸。

戒掉一個人，也許就如戒毒，唯心癮最難刻服。要練得鐵石心腸，很容易造成內傷，唯時間是最好的醫治。但是都需要好好發洩，一個勁地跑步，一個勁地游水，一個勁地做瑜珈，有沒有醫好都好，起碼身體好。酒喝太多會傷身，想太多會傷神，但是寫太多就唔怕，因為情歌永遠唔會嫌太多。我終於發現喜歡寫字的人最大的好處，寫完了，就發洩完了，因為寫字，慢慢醫好自己，呢種感覺靚得多！

儲起了 幾千攝氏陽光

傷感的歌，聽多了會令人氾濫，身體最需要的其實是正能量，而我，在歷史性高溫那天儲起了很多。

沒有事情是太大或太小，會令我們承擔不了；好好生活，去活出生命的重量；時間會告訴你，衪想我們學習的功課； 我發現，原來為自己找一個出口，先要讓別人也有著一個出口；話說得太重，會令人後悔；如果，這是一場傷害，會是彼此都有著傷害；但是，醫治都是雙向的；有一種默契，叫感應。我相信會感應到彼此治癒的一天； 如果說愛情不是生活裡的全部，我要好好面對的就是我的工作；我相信做得好，人哋會見得到，不過不要太三心兩意好不好？；在失意的時候，還是需要重新振作； 別忘了，擅長跑長跑的人，就擅長同人鬥長命。

還好，在盛夏的晴朗天氣裡，我儲起了幾千攝氏陽光，好讓我在天氣不穩定時可以慢慢搣。