good night ;)

好想好想

好想好想試晒所有好飲嘅啤酒；好想再學返Ukelele；好想好想喺K房大叫一輪；好想試勻全世界嘅美食，更加想學整好多好多好好味嘅嘢食；好想寫一句slogan會畀人記得，好想好想再上頒獎台，好想好想一直都做廣告；又想在廣告以外找到另一種好想好想；想考yoga導師牌，想學到一日自己去教；好想好想找一個合適的人好好去愛，好想你快樂，想有天面對面勇敢面對；想好好記錄每天的生活，好想學習用相片說話； 好想可以再變靚啲，用天然的方法，呵；想可以賺多啲錢，用我嘅能力，嘻；好想好想好想再出一本書；好想為一切未知的將要來臨的而期待；好想一日到黑都傻笑； 好想養小動物，畀晒我所有關心愛心悉心照顧佢；好想好想多謝畀我生命的那一位，我咁貪心，應該會好長命，仲要積極咁想，更多好想好想…..